Гүлнара Айтпаева

Айтпаева Гүлнара (8. 5. 1961 -ж. туулган, Ысык-Көл облусу, Каракол шаары) - адабиятчы, филология илимдеринин доктору (1995). Воронеж мамлекеттик университеттин (1983), ММУнун аспирантурасын (1987), КМУнун докторантурасын (1995) бүткөн. Пржевальск педагогикалык институтунда окутуучу, улук окутуучу, Ысык-Көл мамлекеттик университетинде доцент, КМУУда окутуучу, 1999жылдан Борбордук Азиядагы америкалык университетиндеги «Кыргыз этнологиясы» программасын жетектөө менен катар академиялык иштер боюнча университеттин вице-президенти болуп иштеген. 40тан ашуун илимий эмгектин, анын ичинде 1 монографиянын автору.

Эмгекетри: Религиозные мотивы в кыргызском романе (60-80 гг.) Б., 1996; Үркүн: смысл трагедии 1916 года в контексте большого времени. Б., 1999.

Колдонулган адабияттар

• “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1