Алтымышбаев, Асылбек

Википедия дан

Алтымышбаев Асылбек Алтымышбаевич [1912, Жети-Өгүз району, Калматай (Шалбаа) айылы —1987, Бишкек] — философ, Кыргыз ССР ИАнын академиги (1954), философия илимдеринин доктору (1961), профессор (1962). Кыргыз ССР ИАсын түзүүчүлөрүнүн бири, ал КРнын философия жана укук илимдеринин башатында турган.

Өмүр таржымалы[түзөтүү | булагын түзөтүү]

1942-ж. Кыргыз мамлекеттик педагогикалык институтун бүтүргөн.
1948—49-ж. Кыргызстан БКнын алдындагы Республикалык партия мектебинин философия кафедрасынын башчысы.
1949—50-ж. ССР ИАнын Кыргызстандагы филиалынын Тил жана тарых институтунун директору, 1950—52-ж. ошол филиалдын Президиумунун төрагасына биринчи орун басар, 1952-54-ж. Кыргызстан КП БКнын илим жана маданият бөлүмүнө башчы, Кыргыз ССР ИАнын вице президенти, 1954—66-ж. философия жана укук институтунун директору, 1966—75-ж. улук илимий кызматкери. 1975-жылдан ошол эле институттун директору болгон.

Жетишкендиктери[түзөтүү | булагын түзөтүү]

Алтымышбаевдын илимий эмгектери Орто Азия элдеринин социалдык маданиятынын калыптануу, өнүгүү закон ченемдеринин кээ бир теориялык маселелерин, кыргыз элинин коомдук-саясий жана философиялык ой-пикиринин өнүгүү тарыхын изилдөөгө арналган. Социалдык маданий проблемалар, коомдук аң-сезимдин тарыхы жөнүндө көп эмгектери бар. 60тан ашык илимий эмгектин автору.

Сыйлыктары[түзөтүү | булагын түзөтүү]

Алтымышбаев А. А. КРнын илимине эмгек сиңирген ишмер, "Эмгек Кызыл Туу", "Ардак Белгиси", "Элдердин Достугу" ордендери, медалдар жана ардак грамоталар менен сыйланган.

Колдонулган адабияттар[түзөтүү | булагын түзөтүү]