Антранил кислотасы

Aнтpaнил кислотасы, аминбензой кислотасы, H₂N-C₆H₄-COOH - органикалык бирикме. Түссүз кристалл, молдук салмагы 137,13, балкып эрүү t 144-145°C; жегичтерде жана минералдык кислоталарда жакшы эрийт; диссоцация константасы К_{к та}=1,07-10^-5 (25°C). Aнтpaнил кислотасы фталамиддин жегич эритмесине натрий гипобромитинди же гипохлоритинди таасир кылуудан алынат. Уксус кислотасынын эритмелеринде Cd, Co, Cu, Ni, Zn, Mo, Pb, Hg менен начар эрүүчү комплекстүү бирикмелерди пайда кылат. Aнтpaнил кислотасынын бирикмелери боёгуч заттарды жана синтездик жыпар жыттуу заттарды өндүрүүдө колдонулат.

Колдонулган адабияттар

• Химия: Энциклопедиялык окуу куралы/Мамлекеттик тил жана энциклопедия борбору, 2004. - 422 б. ISBN 9967-14-021-6