Бабанов, Өмүрбек Токтогулович

Wikipedia дан
Babanov.jpg

Өмүрү таржымакалы[оңдоо]

Кыргыз Республикасынын Талас облусунун Кара-Буура районунун Чымкент айылында 1970-жылдын 20-майында төрөлгөн. Кыргыз. Билими жогорку. 1993-жылы Ленин жана Эмгек кызыл туу ордендүү К.А. Тимирязев атындагы Москва айыл чарба академиясын аяктаган. 2005-жылы Россия Федерациясынын Өкмөтүнө караштуу Эл чарбасы академиясын (Финансылык менеджмент жогорку мектебин), 2009-жылы Кыргыз Республикасынын Өкмөтүнө караштуу Кыргыз мамлекеттик юридикалык академиясын аяктаган. Мамлекеттик кызматтын 2-класстагы мамлекеттик кеңешчиси класстык чени бар. Меценаттык, өлкөнүн региондорундагы балдарга билим берүүнүн деңгээлин жогорулатууга жана өнүктүрүүгө кошкон салымы үчүн медал менен сыйланган (The Rotary Foundation of Rotary International номинаты), “КМШ өлкөлөрүндө жылдын тандоосу” долбоору боюнча, Кыргызстандагы “Айкөл Манас – Жылдын адамы” конкурс-фестивалында “2004-жылдын бизнесмени” болуп табылган.Үй-бүлөлүү, үч баланын атасы.

Эмгек жолу[оңдоо]

• [1988-1999] “Шымкентнефтеосинтез” ААКынын Кыргыз Республикасындагы Ыйгарым укуктуу өкүлү • [1995-1998] “Арлан” ТОО директору, Тараз шаары, Казакстан Республикасы • [1999-2000] “Мунай” ГППН башкы директорунун орун басары, Бишкек шаары • [2000-2004] “Кыргызпахта” ЖТАК Президенти, Жалал-Абад шаары • [2004-2005] “Мунай Мырза” ЖАКынын директорлор кеңешинин мүчөсү, Бишкек шаары • [2005-2007] Кыргыз Республикасынын Жогорку Кеңешинин (Парламенттин) депутаты, “Эл биримдиги” депутаттык тобунун жетекчиси • [2008] “Мунай Мырза Инвест” ЖЧКсынын директорлор кеңешинин төрагасы • [2009. 01.10] Кыргыз Республикасынын Биринчи вице-премьер-министри • [2009-2010] “Мунай Мырза Инвест” ЖЧКсынын директорлор кеңешинин төрагасы • [2010. 01.10] “Кыргызстан коммерциялык банкы” ААКынын директорлор кеңешинин төрагасынын кеңешчиси • [2010. 12.] Кыргыз Республикасынын Жогорку Кеңешинин депутаты, “Республика” фракциясынын лидери • [2010. 17.12.] Кыргыз Республикасынын Биринчи вице-премьер-министри • [2011-жылдын 24-декабрынан баштап] Кыргыз Республикасынын Премьер-министри.
2012-жылдын 1-сентябрында Бабанов башбакандык кызматынан кетти.

Сыйлыктары жана наамдары[оңдоо]

«The Rotary Foundation of Rotary International» деп аталган уюм өз тарыхында биринчи жолу өзүнүн мүчөсү эмес болгон Өмүрбек Бабановду меценаттыгы, өлкөдөгү балдардын билим деңгээлинин өнүгүшүнө жана жогорулоосуна кошкон салымы үчүн атайын медаль менен сыйлаган. «КМШ өлкөлөрүндөгү жылдын тандоосу» долбоору боюнча «2004-жылдын бизнесмени» болуп аталган, 2004-жылы [Кыргызстанда] өткөн «Айкөл Манас — Жылдын адамы» конкурс-фестивалында Жылдын адамы болгон.

Шилтеме[оңдоо]

[1]

  1. http://www.azattyk.org/content/kyrgyzstan_parliament_babanov/24424211.html

www.gov.kg.