Дифенилхлорарсин

Дифенилхлорарсин, (С6Н5)2AsCl – мышьяктуу суутек (AsH3) к-тасынын туундусу, мол-дагы суутектин эки атому фенил радикалы, бир атому хлор менен орун алмашуусунан алынган - дифенил мышьяктуу к-тасынын хлор ангидриди болуп саналат; мол. масс. 264,58; түссүз кристалл; балкып эрүү t 38оС, кайноо t 333оС; сууда эрибейт; көпчүлүк орг. эриткичтерде жакшы эрийт. Щелочтор жана суу менен оңой реакцияга кирет, жеңил окистенет. Д. дифенилмышьяк к-тасынын конц. туз к-тасынын эритмесинде күкүрттүү ангидрид менен калыбына келтирүүдөн алынат:

(C6H5)2AsO(OH)+SO2+HCl ® C6H5)2AsCl+ H2SO4 ;

Д. биринчи дүйнөлүк согушта ууландыруучу зат катары колдонулган. Анткени майда дисперсияланган абалда ууландыргыч түтүн сыяктуу дем алуу органдарын өтө күчтүү дүүлүктүрүп, катуу жөтөлтүп, чүчкүртүп организмдин жалпы ууланышына алып келет.

Колдонулган адабияттар

• Химия: Энциклопедиялык окуу куралы/Мамлекеттик тил жана энциклопедия борбору, 2004. - 422 б. ISBN 9967-14-021-6