Дүң cоода

Дүң cоода – товарларды жана кызмат көрсөтүүлөрдү алып сатуу же профессионалдык пайдалануу максатында сатып алуучуларга сатуу боюнча ишмердик. Ишканалардын ортосундагы байланышты ишке ашыруучу товар жүгүртүүнүн формасы, ички сооданын курамдык элементи; товар жүгүртүүнүн баштапкы стадиясы‚ башкача айтканда товардын өндүрүшчүдөн чекене соода ишканасына чейин же продукцияны керектөөчү ишканага чейин айланышы. Дүң соодага айыл чарба продуктуларын жана сырьёлорду сатып алуу жана сатуу да кирет.

Колдонулган адабияттар

“Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1