Кальций фториди

Кальций фториди, CaF2 – эрүү t 13600С, тыгызд. 3,18 г/см3, сууда эрибейт, күкүрт к-тасын таасир эткенде HF бөлүп чыгаруу менен ажырайт, жаратылышта CaF2 флюорит (плавик шпаты) минералы түрүндө кездешет. Апатиттин курамына кирет. CaCl2 эритмесине NaF же NН4F таасир эткенде алынышы мүмкүн. HF ж.б. фтордуу бирикмелерди алыш үчүн баштапкы сырьё болуп саналат. Металлургияда флюс катарында колдонулат.

Колдонулган адабияттар

• Химия: Энциклопедиялык окуу куралы/Мамлекеттик тил жана энциклопедия борбору, 2004. - 422 б. ISBN 9967-14-021-6