Куурдак

Wikipedia дан
Куурдак даярдоо

Куурдак - кыргыз элинин эң сыйлуу тамактарынын бири. Куурдак эки учурда жасалат. Биринчиси - эгерде үйгө шашылыш конок келсе, экинчиси - коноктор шашпай келсе, кой сойулат жана бешбармакка чейин куурдак берилет. Куурдак койдун, уйдун жана кээде жылкынын жумшак этинен жасалат. Куурдакка пияз кошулат. Биринчи эт жана пияз тууралат. Пияз жана эт казанга куурулат. Куурдакка туз жана чөп-чар кошулат. Куурдакка кээде пияз кошулбайт. Ал кара куурдак деп аталат. Кара куурдакка туз эле кошулуп куурулат. Куурдак өтө даамдуу жана оңой тамак.

Колдонулган адабият[оңдоо]

"Кыргыз тилин үйрөнүңүз - Эл жана маданият менен байланышта болуңуз" окуу китеби, автор Бакытбек Токубек уулу, 2009-жыл