Кыргыз сому

Сом;
Код ISO 4217	KGS
	Обменный курс; (на 27 февраль 2011)
1 USD	= 47,4738 KGS
1 EUR	= 65,6332 KGS
1 RUB	= 1,6404 KGS
1 GBP	= 76,6404 KGS

Кыргыз Сому — Кыргыз Республикасынын акча бирдиги.
1 сом = 100 тыйын Банк-эмитент: Кыргыз Республикасынын Улуттук банкы. Жүгүртүүгө чыгарылган күнү: 1993-жыл 10-май.

Монеталар (тыйын түрү): 1, 3, 5, 10 сом Банкноттор (кагаз түрү): 1, 5, 10, 20, 50, 100, 200, 500, 1000, 5000 сом

Улуттук валютанын бардык банкноттору жана монеталары Кыргыз Республикасынын аймагында расмий төлөм каражаты статусуна ээ жана кайсы жылы чыгарылгандыгына карабастан, төлөм каражаты катары төлөөгө милдеттүү түрдө кабыл алынууга тийиш.

Монеталар [оңдоо]

2008-2009 жылдары 1, 3, 5, 10 сом номиналындагы жүгүртүү монеталары чыгарылган.

Банкноттор [оңдоо]

1993-жылы чыгарылган үлгүдөгү банкноттор (биринчи чыгарылышы). Акчаны майдалоо функциясын аткарган 1, 10, 50 тыйын жана 1, 5, 20 сом номиналындагы банкноттор 1993-жылы май айында жүгүртүүгө чыгарылган.

1994-1995-жылдары чыгарылган үлгүдөгү банкноттор (экинчи чыгарылышы) 1994-1995-жылдары акча белгилеринин экинчи эмиссиясы ишке ашырылган. Биринчи чыгарылыштагы банкнотторго караганда “калайык-калктын улуттук валютага карата ишениминин калыптанышы мезгилинде” жасалмалуулуктан ишенимдүү корголгон банкноттор жүгүртүүгө чыгарылган. 1993-жылы чыгарылган үлгүдөгү банкноттор жүгүртүүдөн акырындык менен алынып, 1994-1995-жылдары чыгарылган үлгүдөгү 1, 5, 10, 20, 50, 100 сом номиналындагы банкноттор менен алмаштырылган.

1997, 2000, 2002, 2004, 2005-жылдары чыгарылган үлгүдөгү банкноттор (үчүнчү чыгарылышы) Улуттук валютаны өркүндөтүүнүн үчүнчү баскычы 1997-жылдан тартып башталган. 1, 5, 10, 20, 50, 100 сом наркындагы, мурда чыгарылган банкнотторго салыштырганда өркүндөтүлгөн коргоо элементтерин камтыган банкноттор акырындык менен жүгүртүүгө чыгарылган. Ал эми 2000-жылы жогорку номиналдагы 200, 500, 1000 сом наркындагы банкноттор жүгүртүүгө чыгарылган.

2009-2010 - жылдары чыгарылган үлгүдөгү банкноттор (төртүнчү чыгарылыш) Улуттук валютанын төртүнчү сериясы 2009-жылы жүгүртүүгө чыгарылган 5000 сом номиналындагы банкнот менен ачылган. Мындан кийин 20, 50, 100 жана 200, 500, 1000 сом номиналындагы өркүндөтүлгөн коргоо элементтерин камтыган банкноттор акырындык менен чыгарыла баштаган. Төртүнчү чыгарылыштагы банкноттор оригиналдуу дизайнга жана өркүндөтүлгөн коргоо элементтерине ээ.

Номиналы (сом)	Жүгүртүүгө чыгарылган күнү	Өлчөмү	Түсү
20	2009-жылдын 1-июлу	120х58	Кызыл
50	2009-жылдын 1-июлу	126х61	Кызгылт сары
100	2009-жылдын 1-июлу	132х63	Көк
200	2010-жылдын 1-декабры	138х66	Сары
500	2010-жылдын 1-декабры	144х68	Күлгүн
1000	2010-жылдын 1-декабры	150х71	Бозомук
5000	2009-жылдын 2 марты	156х73	Жашыл