Эсенбек Медербеков

Эсенбек Медербеков
Туулган датасы:	10 -декабрь 1936(1936-12-10)
Туулган жери:	Сокулук району, Октябрь айылы
Өлгөн датасы:	2003 жыл(2003)

Эсенбек Медербеков (1936-2003) - кыргыздын белгилүү жазуучусу, романист.

Кыскача өмүр баяны

Жазуучу, сынчы Эсенбек Медербеков Сокулук районундагы Октябрь айылында 1936-жылы туулган. 1959-жылы Кыргыз мамлекеттик университетинин филология факультетинин орус тили жана адабияты бөлүмүн бүтүргөн. 1959-жылдан Фрунзе шаарынын ар кайсы ишканаларында иштеген. 1962-жылдан Кыргыз ССРинин Мамлекеттик телерадио комитетинде редактор, 1974-жылдан «Ала-Тоо» журналынын редакциясында адабий кызматкер, бөлүм башчы, башкы редактордун орунбасары, Кыргыз Совет Энциклопедиясынын гуманитардык илимдер бөлүмүндө редактор болуп эмгектенген.

Чыгармачылыгы

Жазуучунун биринчи «Досумдун тапшырмасы» аттуу очерктер жыйнагы 1968-жылы жарык көргөн. «Кызыл жалын» аттуу тарыхый-көркөм романдын, бир нече очерктер, повесттер жана аңгемелер жыйнактарынын автору. Ал тарабынан С.Антоновдун «Главный вопрос» аттуу аңгемелери (1971) которулган. 1970-жылдан СССР Жазуучулар союзунун мүчөсү болгон.

Сыйлыктары

«Эмгектеги каармандыгы үчүн» медалы менен сыйланган.

Жарык көргөн чыгармалары

• Досумдун тапшырмасы: Очерктер. – Ф.: Мектеп, 1968. – 120 б.;
• Суусамыр: Очерктер – Ф.: Кыргызстан, 1970. – 196 б.;
• Нурия: Аңгемелер. – Ф.: Мектеп, 1972. – 15 б.;
• Тунгуч мектеп: Очерктер. – Ф.: Мектеп, 1974. – 142 б.;
• Баба дыйкан: Очерктер. – Ф.: Кыргызстан, 1976. – 104 б.;
• Кичинекей алп: Повесттер. – Ф.: Мектеп, 1978. – 180 б.;
• Кызыл жалын: Тената: Тарыхый көркөм баян. – Ф.: Кыргызстан, 1986. – 228 б.

Котормолору

• Антонов С. Башкы маселе: Аңгемелер. – Ф.: Кыргызстан, 1971. – 131 б.