Паганини Никколо

Wikipedia дан
Никколо Паганини

(27.10.1782 ж., Генуя, - 27.05.1840 ж., Ницца, Италия) - италян скрипач жана композитор, дүйнөлүк музыка тарыхындагы улуу виртуоздордун бири.
Адегенде мандолина жана скрипкада ойногунду атасынан үйрөнгөн. Бир нече мугалимдерден сабак алып, өз бетинче өздөштүрүп кетти. П. 11 жашында Генуяда биринчи жолу эл алдында өнөрүн көрсөтүп, 1797 жылы биринчи концерттик турнеге чыккан. Аткаруу манерасынын өзгөчүлүгү, инструмент колдонуусунда эч салыштыргыс шыктуулугу менен аты бүткүл Италияга белгилүү болду. 1828-1834 жылдары Европанын ири шаарларында жүздөгөн концерттерди берип, доордун укмуштуу виртуозу деген атка конгон. Музыканттын ден соолугу начарлап жана П. бир канча скандалдарга кабылганда, 1834 жылы чыгармачылык жолу күтүлбөстөн үзүлдү.