Аадият сүрөсү

• 100-сүрө

Аадият сүрөсү (1) Тулпарлар

• Меккеде түшүрүлгөн. 11 аяттан турат
• Кыргызча котормо мааниси
• Мээримдүү, Ырайымдуу Алланын аты менен!
• 1. Алкынып чуркаган тулпарларга ант!
• 2. (Туягынан) от чачырата чуркаган аттарга ант!
• 3. Таң азанда (душманга) чабуул койгон аттарга ант!
• 4. Ошондо алар (чабуулу менен) топуракты ызгытты.
• 5. Андан соң (душман) топторунун ортосуна жарып кирди. (2)
• 6. Инсан деген аныгында, Раббисине нашүкүр! (3)
• 7. Буга анын өзү деле күбөдүр!
• 8. Ал байлыкты катуу сүйөт!
• 9. Билбейби ал мүрзөдөгү өлүктөр чыгарылганда...
• 10. Көкүрөктөгү сырлар ашкер кылынганда...
• 11. Ошол Күнү Раббиси кабардар го, алардан?!