Ак-Сай суусу (Aт-Башы)
Ак-Сай суусу
| |
|---|---|
| Мүнөздөмө | |
| Узундугу | 96 км |
| бассейндин аянты | 7 440 км² |
| Жайгашкан орду | |
| Өлкө |  Кыргызстан
|
| Област | Ысык-Көл облусу |
| Район | Ат-Башы району |
Ак-Сай суусу — Ат-Башы районундагы суу, Какшаал дарыянын негизги түзүүчүсү. Ички Теңир-Тоодогу Ак-Сай өрөөнү аркылуу агат. Узундугу 96 км, алабынын аянты 7440 км2.
Ат-Башы кырка тоосунун түштүк капталындагы мөңгүлөрдөн башталып, адегенде – Кең-Суу, оң тараптан Терек суулары кошулган соң, Ак-Сай деп аталат. Ак-Сай өрөөнү аркылуу чыгышка карай агып, Мүдүрүм жана Көк-Кыя суулары кошулуп, Какшаал суусун түзөт.
Куймалары: Кызыл-Суу, Кошкараташ, Муздабас, Жолбогошту (сол), Терек, Текелик, Кулжабашы (оң).
Нугу башынан аягына чейин дээрлик кенен (100–1000 м), суусу салаалап жай агат. Июль, август айларында кирип, сентябрдан тартыла баштайт. Жылдык орточо чыгымы 9,3 м3/сек; эң көбү – 20,5 м3/сек, эң азы – 3,26 м3/сек. Алабында жалпы аянты 120,9 км2 келген 93 мөңгү бар. Боюнда Тармалсаз кыштагы жайгашкан.
Адабият
[түзөтүү | булагын түзөтүү]- Кыргызстандын географиясы/Мамлекеттик тил жана энциклопедия борбору. - Б.: 2004. ISBN 9967-14-006-2