Алыбаев Кожоберген Мадияр уулу

Википедия дан

Алыбаев Кожоберген Мадияр уулу (1890, Акчий-Карасуу айылы - 1965) - Кыргыз Республикасынын айыл чарбасына эмгек сиңирген ишмери. Кетментөбө өрөөнүндө Совет бийлигин орнотууда басмачыларга каршы күрөш жүргүзгөн ыктыярдуу кошуунду уюштуруучулардын бири болгон.

1930-жылдары Акчий, Карасуу айылында алгач уюшулган «Ленин » колхозунда жылкычы болуп иштеген. 1935-ж. колхоздун жылкы фермасынын башчысы болуп дайындалат. Атамекендик согуш жылдарында жыл сайын фронтко 100-150 баш асыл тукум жылкыларды жөнөтүп турган. Ал асыл тукум жылкыларды өндүүнү жолго салып, өрөөндөгү башка колхоздорду асыл тукум жылкылар менен камсыздаган.

1940-ж., 1941-ж. жана 1942-жылы Москва шаарындагы бүткүл союздук эл чарба жетишкендиктеринин көргөзмөсүнө (ВДНХ) чакырылып, үч жолу тең ВДНХнын алтын медалы менен сыйланган. Эмгек Кызыл Туу, «Ардак Белгиси» ордендери менен сыйланган.

Колдонулган адабияттар[түзөтүү | булагын түзөтүү]

Токтогул району: Энциклопедия/ Башкы ред. Ү. Асанов; Ред. колл.: О. Ибраимов (төрага) ж. б. - Б.: Мамлекеттик тил жана энциклопедия борбору, 2005. 292 б., ил.ISBN 9967-14-030-5