Ами би
Ами би – орто кылымда кыргыздар колдонгон бийлик титулдарынын бири. Негизинен кытай тарыхый булактарында эскерилет. кыргыз өкүмдарларынын бири. Айрым кытай маалыматтарында «Ами бэй» түрүндө да кезигип, кээ бир илимпоздор ысымдын экинчи муунундагы «би» сөзү «бий» маанисин туюнтат деген пикирди колдошот. Мансап даражасы боюнча улуу (жогорку) колбашчы Циси би, андан кийинкиси Цзюйшабо би, үчүнчү орунда Ами би туруп, алар өлкөнсүн кеңешип башкарышкан. Жалпысынан кытай маалыматтарында Ами бийдин бийлеген мезгили так көрсөтүлбөгөн менен 7-кылымдын орто чени деп божомолдоого болот.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1