Ангрен

Википедия дан

Ангрен - Өзбекстандагы шаар. Ташкен облусунун аймагында. Ахангаран дарыясынын жана Ташкен - Кокон автомобиль жолунун боюнда жайгашкан. Темиржол бекети. 1946-жылы ачылган Ангрен көмүр бассейнинин негизинде отурукташкан кыштактардын биригишинен пайда болгон. Калкы 162,0 миң (2003). Күрөң көмүр казып алуунун борбору. Көмүр-каолин комплекси, химия-металлургия, азот жер семирткичтери, резина техникалык буюмдарын өндүрүүчү заводдору, курулуш материалдар өнөр жай өндүрүшү, 2 ГРЭС, педагогикалык институт, тарых-крайтаануу музейи бар. Шаарга жакын алтын кенин казып алуучу рудник иштейт.

Колдонулган адабияттар[түзөтүү | булагын түзөтүү]

  • “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1