Өмүралиев, Асанбек

Өмүралиев Асанбек (1933-ж. т., Балыкчы ш.) — артист. Кыргыз Республикасынын эл артисти (1977; эмгек сиңирген артисти, 1964).

• 1954—57-ж. Москвадагы Луначарский атындагы мамлекеттик театр институтунда окуган.
• 1957—89-жылга чейин Кыргызстан мамлекеттик драма театрында иштеген.
• 1989-жылдан Бишкек шаардык драма театрында көркөм жетекчи-директор.
• Ар түрдүү мүнөздөгү ролдорду (драмалык, комедиялык) ойногон таланттуу актёр.

Негизги ролдору

Ысмайыл (Ч. Айтматов, «Бетме-Бет»), Эдмунд, Тибальт (У. Шекспир, «Король Лир», «Ромео менен Жульетта»), Чацкий (А. Грибоедов, «Акылдын азабы»), Нурдин, Атабаев, Дадый (Т. Абдумомунов, «Абийир кечирбейт», «Жыгылган ооганга күлөт», «Ашырбай»), Чаргын (Ш. Садыбакасов, «Ак боз ат») жана башка.

Кинодо да ролдор аткарган

(«Муз жөнундө баян», «Алыскы тоолордо», «Артыбызда Москва», «Тянь-Шань кызы», «Көчүп жүргөн фронт», «Улан» жана башка).
Жасалгаланбоочу тексти бул жерге киргиз

Колдонулган адабияттар

• Ысык-Көл облусу энциклопедия. Бишкек-1994-ж.

Булактар

• Асанбек (Арсен) Умуралиев: Биография  (орусча)