Балад сүрөсү

• 90-сүрө

Балад сүрөсү (1) Шаар

• Меккеде түшүрүлгөн. 20 аяттан турат
• Кыргызча котормо мааниси
• Мээримдүү, Ырайымдуу Алланын аты менен!
• 1. Ушул шаарга (2) Меккеге ант!
• 2. Сен (о, Мухаммад) ушул шаарда жашайсың.
• 3. (Адам)-Атага жана урпактарга ант!
• 4. Биз инсанды машакатка жараттык. (3)
• 5. (Каапыр) инсан өзүнө эч кимдин күчү жетпейт деп ойлойбу?
• 6. Ал "эсепсиз мал-дүйнө короттум" дейт.
• 7. Ал өзүн эч ким көрбөй турат деп ойлойбу?
• 8. Биз ага эки көз бербедикпи?!
• 9. Тил жана эки эрин бербедикпи?!
• 10. Жана Биз аны эки жолго багыттадык (4) жакшы жана жаман
• 11. Ал (каапыр инсан) оор жолго жүрбөдү.
• 12. (О, Мухаммад) сен оор жол эмне экенин билбейсиң.
• 13. (Оор жол - бул) кул азат кылуу
• 14. же болбосо каатчылык күндө тамак-аш берүү-
• 15. тууганчылыгы бар жетимге.
• 16. Же чаңга буланган кедейге
• 17. Кийин (бул кайрымдуулукту жасаган) адам ыймандуулардан жана бири-бирин сабырга, ырайымдуулукка чакыруучулардан болсо,
• 18. Дал ошолор оң тарап ээлери!
• 19. Ал эми, Биздин аяттарыбызга каапыр болгондор сол тарап ээлери. (5)
• 20. Аларды ар жактан от каптап алган.