Барс (футбол клубу)
 Барс | |
| Негизделген | 2024[1] |
|---|---|
| Стадиону | «Ынтымак Арена» |
| Машыктыруучусу |  Франсеск Бонет |
| Капитаны | Валерий Кичин |
| Мелдеш | Жогорку Лига |
| 2025 | Чемпион |
«Барс» — Кыргызстандын Ысык-Көл облусундагы Каракол шаарында жайгашкан профессионалдуу футбол клубу. 2024-жылдын аягында негизделип, азыркы учурда Кыргызстан Жогорку Лигасында мелдешет.
Кыргызстан чемпиону (2025). «Барс» Каракол шаарындагы 3380 көрүүчү батырган «Ынтымак Арена» стадионунда ойнойт.
Тарых
[түзөтүү | булагын түзөтүү]Алгачкы сезон жана чемпиондук
[түзөтүү | булагын түзөтүү]2025-жылы Премьер-лигадагы командалардын саны 10дон 14кө чейин кеңейгенден кийин «Барс» лиганын дебютанты болду[2]. Ошентип, Кыргызстандын жогорку чемпионатында ойногон Ысык-Көл облусунан чыккан 2000-жылдан бери алгачкы клуб болду (2011-жылы «Ысык-Көл» командасы сезон маалында мелдештен чыгып кеткен)[3].
Команданын сезон алдындагы алгачкы бет ачары 2025-жылдын 3-мартында Бишкек шаарында өттү[4]. «Барстын» башкы машыктыруучусу болуп Кыргызстандын улуттук курама командасынын мурдагы машыктыруучусу Александр Крестинин дайындалды[5]. Крестининден тышкары командага «Ак шумкардын» оюнчулары: Кайрат Жыргалбек уулу, Мирлан Мурзаев, Марсель Исламкулов, Фархат Мусабеков, Айзар Акматов, Арген Жуматаев, кураманын капитаны Валерий Кичин жана башкалар кошулушту[6][7][8].
«Барс» алгачкы беттешин 2025-жылдын 5-мартында Премьер-лиганын биринчи туру алкагында Беш-Күңгөй айылынан чыккан «Талант» клубуна каршы өткөрүп, 0:3 эсеби менен ири эсепте утулуп калды[9]. Клуб алгачкы жеңишине 2025-жылдын 29-мартында чемпионаттын 3-турунда «Бишкек Сити» командасына каршы матчта жетти (1:0)[10].
Кыргызстандын кубогунун 1/8 финалында «Таланттан» 1:2 эсеби менен утулгандан кийин Крестинин башкы машыктыруучу кызматынан кетти[11]. Анын жетекчилиги алдында «Барс» чемпионатта 12 турдан кийин үчүнчү орунда болуп, болгону эки жолу гана утулган. Жаңы башкы машыктыруучу болуп Мирлан Эшенов дайындалды[12]. Ата мекендик адистин жетекчилиги астында клуб төрт оюн өткөрүп, алардын экөөсү учурдагы чемпион «Абдыш-Ата» менен болуп, бир да жолу жеңилген жок. 14-августта «Барс» өз талаасында «Нефтчи» клубуна минималдуу эсеп менен утулгандан кийин Эшенов командадан кетти[13]. Башкы машыктыруучунун милдетин убактылуу Игорь Суров аткарды[14]. Анын жетекчилиги алдында клуб чемпионаттын лидерлерин — «Дордойду» (5:1) жана «Мурас Юнайтедди» (2:0) утуп алды. Акырында команданы спорттук директор Канимет Аралбаев жетектеп калды.
«Нефтчиден» жеңилгенден кийин «Барс» чемпионаттын аягына чейин тогуз оюндан турган жеңиш сериясын көрсөтүп, топтордун айырмасын 27:7 кылды. Атаандаш командалардын жаңылыштыктарынын аркасында Кыргызстандын чемпиондук наамы акыркы турда ойнотулду, ага чейин «Барс» мелдештик жадыбалда биринчи орунда бир упай айырма менен келе жаткан. 8-ноябрда «Барс» өз үйүндө «Талантты» 2:1 эсеби менен жеңип, дебюттук сезонунда Кыргызстандын чемпиону болду[15][16]. Клуб 70 000 АКШ доллары өлчөмүндөгү акчалай сыйлыкка ээ болуп, 2026-жылдагы Кыргызстандын Суперкубогунда ойноо укугун алды[17]. Ошондой эле клуб Азиядагы күчү боюнча үчүнчү клубдук мелдеш — АФК Чакырык лигасынын 2026/27 сезонуна жолдомо алды.
2026-сезон
[түзөтүү | булагын түзөтүү]14-январда «Барстын» башкы машыктыруучусу болуп испан Франсеск Бонет дайындалды[18].
Стадион
[түзөтүү | булагын түзөтүү]«Барс» өз үй оюндарын 2025-жылы реконструкцияланган Каракол шаарындагы борбордук стадион — «Ынтымак Аренада» өткөрөт[1][19]. Жаңыланган стадиондо клуб алгачкы оюнун 23-майда өткөрүп, анда «ОшМУ-Алдиер» командасын 2:1 эсеби менен жеңген[20][21]. Стадиондун ачылыш аземинде мамлекет башчысы Садыр Жапаров катышкан[22].
Сыйлыктар
[түзөтүү | булагын түзөтүү]Улуттук
[түзөтүү | булагын түзөтүү]- Чемпион: 2025
Статистика
[түзөтүү | булагын түзөтүү]Кыргызстан чемпионатында
[түзөтүү | булагын түзөтүү]| Мезгил | Мелдеш | Орун | Оюн | Жңш | Тең | Жнл | Топтор | У | Мыкты бомбардир |
|---|---|---|---|---|---|---|---|---|---|
| 2025 | Жогорку Лига |  | 26 | 19 | 4 | 3 | 51-21 | 56 | Мирлан Мурзаев (12 топ) |
| 2026 |
Кыргызстан Кубогунда
[түзөтүү | булагын түзөтүү]| Мезгил | Баскыч | Атаандаш | Жыйынтык |
|---|---|---|---|
| 2025 | 1/8 финал | Талант | 1:2 (конокто) |
| 2026 |
Башкы машыктыруучулар
[түзөтүү | булагын түзөтүү]
Александр Крестинин (2024 — 2025)
Мирлан Эшенов (2025)- Канимет Аралбаев (2025, спорттук директор)
Франсеск Бонет (2026 — а.у.)
Булактар
[түзөтүү | булагын түзөтүү]- 1 2 Александр Крестинин: «В Кыргызстане появятся четыре новых футбольных клуба» (орусча). Фергана (10-12-2024).
- ↑ В чемпионате Кыргызстана по футболу в 2025 году сыграют 14 команд вместо 10 (орусча). 24.kg (20 -декабрь (бештин айы) 2024).
- ↑ Футбольный эксперт рассказал о спонсорах клубов-новичков в чемпионате Кыргызстана. Фергана (20 -январь (үчтүн айы) 2025).
- ↑ Презентация команды на сезон 2025. Instagram клуба (28 -февраль (бирдин айы) 2025).
- ↑ Александр Крестинин будет тренировать «Барс» из Каракола. Sport.kg (12 -декабрь (бештин айы) 2024).
- ↑ Валерий Кичин будет играть в футбольном клубе «Барс» (Каракол). 24.kg (20 -январь (үчтүн айы) 2025).
- ↑ Валерий Кичин вернулся играть в Кыргызстан спустя 13 лет. Sport.kg (14 -январь (үчтүн айы) 2025).
- ↑ Заявка на сезон 2025. Instagram клуба (04-03-2025).
- ↑ Талант - Барс 3:0. Sport.kg (05-03-2025).
- ↑ КПЛ-2025: "Абдыш-Ата" проиграл, а "Барс" одержал первую победу в сезоне. Вечерний Бишкек (30 -март (жалган куран) 2025).
- ↑ Александр Крестинин ушел с поста главного тренера футбольного клуба «Барс». 24.kg (20 -июнь (кулжа) 2025).
- ↑ Мирлан Эшенов стал главным тренером ФК «Барс» вместо Александра Крестинина. 24.kg (04-07-2025).
- ↑ «Барс» Футбол клубу Мирлан Байышбекович менен эмгек келишимин токтотконун расмий түрдө жарыялайт.. Telegram клуба (26 -август (баш оона) 2025).
- ↑ Игорь Александрович Суров назначен исполняющем обязанности главного тренера.. клубдун расмий телеграмы (26 -август (баш оона) 2025).
- ↑ «БАРС» ФУТБОЛ КЛУБУ - 2025-ЖЫЛКЫ КЫРГЫЗ РЕСПУБЛИКАСЫНЫН ЧЕМПИОНУ. КФБнин расмий фейсбугу (8 -ноябрь (жетинин айы) 2025).
- ↑ Биз тарыхты жараттык✍🏻 (кырг.). клубдун расмий телеграмы (08-11-2025).
- ↑ Кыргыз футбол биримдиги вручил 150 000 долларов призовым командам-призёрам Премьер-лиги 2025 года (орусча). Кыргыз футбол биримдиги (8 -ноябрь (жетинин айы) 2025).
- ↑ Кош келиңиз, Fran🫱🏻🫲🏻. клубдун расмий телеграмы (14-01-2026).
- ↑ На реконструкцию городского стадиона в Караколе потратят 342 млн сомов. Kaktus Media (01-07-2024).
- ↑ 23-май күнү Каракол шаардык стадионунун салтанаттуу ачылыш аземи өтөт (кырг.). Кыргыз футбол биримдиги в Telegram (13 -май (бугу) 2025).
- ↑ Барс - ОшМУ 2:1. Sport.kg (23 -май (бугу) 2025).
- ↑ В городе Каракол торжественно открылся стадион «Ынтымак Арена». Кыргыз футбол биримдиги (23 -май (бугу) 2025).
Шилтемелер
[түзөтүү | булагын түзөтүү]- «Барс» футбол клубу Transfermarkt сайтында Archived 2025-03-12 at the Wayback Machine