Баткен
| Отурукташкан жай
Баткен
| |||||||||||||||||||||||||||||
Баткен — Кыргызстандагы шаар. Баткен облусунун жана Баткен районунун административдик борбору.
Калкы — 27 730 киши (2021-жылдын башына).
Географиясы[түзөтүү | булагын түзөтүү]
Кыргызстандын түштүк-батышында, Оштон болжол менен 240 км алыстыкта жайгашкан.
Шаардын жалпы аянты 5180 га. Шаардын жеке аймагы (үлүш участкаларын кошпогондо) 1143 га. Айыл-чарбасы үчүн 4037 га, анын ичинде 1 106 га — дыйкан-чарба үлүштөрү, алардын 918 га—сугат; 393 га—ФПС жерлери, анын ичинде 316 га — сугат; 27 га— айдоо ; 111 га—шаардыктардын үлүш участкалары жана 2400 га жайлоо.
Шаардын администрациясына караштуу жерлер 205 км² түзөт. Анын ичинен 51,8 км² шаар аймагы, калган 153 км² үч шаар четиндеги айыл аймактары(алардын ичинен эң чоңу 6378 киши калкы бар Кызыл-Жол айылы), баары биригип 11 925 киши [1]. Шаар администрациясына караштуу жерлерде 19 765 адам жашайт.
Тарыхы[түзөтүү | булагын түзөтүү]
Баткен айылы 1934-жылдын апрелинде, бир аталыштагы Баткен районунун аймактык борбору болуп, 1999-жылы боевиктердин бир нече ирет жасаган кол салууларынан кийин башкарууну күчөтүү үчүн, Ош облусунун 3-районунан Баткен облусу Баткен—административдик борбору менен түзүлгөн. Ушул окуялардан соң 2000-жылы Баткен айылына шаардык статус берилген, 2000-жылы айылдын калкы 10 987 кишини түздү. 2001-жылы шаардын четиндеги 3 айыл шаарга кошулган.
Административдик-аймактык түзүлүшү[түзөтүү | булагын түзөтүү]
Административдик-аймактык түзүлүшү боюнча шаар 6 кварталга бөлүнгөн — Аэропорт, Базар-Башы, Булак-Башы, Келечек, Кызыл-Дөң жана Кызыл-Жол.