Булут өлчөгүч

Булут өлчөгүч – булуттун төмөнкү жана жогорку чегинин бийиктигин өлчөөчү прибор. Ал асманга шар-зонд менен көтөрүлүп, булутка киргенде жана андан чыкканда жарык шооласынын өзгөрүшүн жана абадагы суу тамчыларын сезгич элементтүү радио бергич аркылуу жерге жиберет. Ал сигналдар жердеги байкоо пункту тарабынан кабыл алынат. Шар-зонддун бийиктиги боюнча ылдамдыгы жана сигнал өзгөрүлгөнгө чейинки убакыт белгилүү болгондон кийин, булуттун бийиктиги эсептелип чыгарылат. Булут өлчөгүч метеорологияда колдонулат.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4