Буруж сүрөсү

• 85-сүрө

Буруж сүрөсү (1) топжылдыздар

• Меккеде түшүрүлгөн. 22 аяттан турат
• Кыргызча котормо мааниси
• Мээримдүү, Ырайымдуу Алланын аты менен!
• 1. Мен топжылдыздар мекени - асманга ант,
• 2. Убада кылынган (Кыямат) күнгө ант…
• 3. (Ошол күнгө) күбө болунган (окуялар)га ант (айтамын):
• 4. Чуңкур ээлерине - өлүм болусун! (2)
• 5. (Ал чуңкур) отундуу жалын!
• 6. Ошондо, алар (отко ыргытылган ыймандуулардын күйгөнүнөн ырахат алып) чуңкурдун жээгинде олтурушкан!
• 7. Алар(дын желдеттери) ыймандуударга жасап жаткан (азаптуу) иштерге күбө болуп турушкан!
• 8. (Каапырлар) аларды Жеңүүчү, мактоого арзыган Аллахка ыйман келтиргендери үчүн гана азапка салышты! (3)
• 9. Ал асмандар жана жер мүлкүнүн (жалгыз) Ээси! Аллах ар бир нерсеге Күбө!
• 10. Ыймандуу эркектер менен ыймандуу аялдарды динден кайтарууга аракеттенип, кийин тооба кылбагандарга тозок азабы бар! Жана аларга күйдүрүүчү азап бар!
• 11. Ал эми, (Аллахка, периштелерге, китептерге, пайгамбарларга, Акырет күнгө жана жакшы-жаман тагдырга) ыйман келтирип, жакшы амалдарды жасаган пенделер үчүн түбүнөн дарыялар аккан бейиштер бар! Бул - чоң жеңиш!
• 12. Чынында, Раббиңдин (азап менен) кармашы аябай катуу!
• 13. Бир Ɵзү гана жоктон бар кылат жана (Кыяматта жашоону) кайра жаратат.
• 14. Ал - Кечиримдүү, (жана) Вадууд! (4)
• 15. (Ал) Арштын Кожоюну (жана) Улук!
• 16. Каалаганын жасоочу!
• 17. (О, Мухаммад) сага (Мусанын артынан кууган) аскерлердин!
• 18. Фираундукн жана Самуд коомунун кабары келди беле?
• 19. Жок, каапырлар (дагы эле, Кураанды жана кайра тирилүүнү) "жалган" дешүүдө.
• 20. Аллах болсо, аларды (бардык иштерин) камтып-билип турат.
• 21. Аныгында ал - Улуу Кураан! (каапарлар миң ирет "жалган" десе да кадыр-бакры төмөндөбөйт. Себеби, ал:)
• Лавкул-Махфузда!
• (4) өзүнө моюн сунгандарды сүйүүчү жана өзү дагы ыймандуулар тарабынан катуу сүйүлгөн