Википедия:Тез өчүрүү ченемдери

Кээ бир учурларда администраторлор барактарды эскертүүсүз жана бул баракчалар талкууланып жаткан болсо да өчүрүлүшү мүмкүн. Мындай учурлардын баары төмөндө келтирилген. Тизме толук түрдө жазылган болуп, ал кеңейтилген түрдө чечмеленбейт. Тизмеге өзгөртүүлөрдү киргизүү үчүн ар бир өзгөртүү пункту боюнча талкуу өткөрүлүшү керек.

Өчүрүү

Өчүрүүдөн мурун, сиз түзөтүү тарыхын карап чыгышыңыз керек жана учурдагы версиясын, нормалдуу версиянын вандалдык, сыноо, кокустан же жаңылыштык түзөтүү эмес экенине ынанышыңыз зарыл — мындай учурларда сиз баракты кадимки версиясына кайтарышыңыз керек.

Жакында түзүлгөн макалаларды өчүрүүдөн же өчүрүү үчүн белгилөөдөн качыңыз — кээ бир авторлор макаланын учурдагы версиясын сактап, бир нече этапта макалаларды түзүшөт. Макала ошол замат өчүрүү үчүн белгиленген учурда дагы эле иштелип жаткан болушу мүмкүн жана мындай белги автордун көңүлүн оорутушу мүмкүн, өзгөчө жаңы болсо. Макаланы жаңы баштаган колдонуучуларга дагы бир өзгөчөлүк — Википедия:Sandbox менен иштөө эсептелинет.

Эгерде барак төмөндөгү ченемдерге жооп бербесе, анда ал өчүрүү үчүн Википедия:Өчүрүүгө деген баракка катталышы керек.

Ченемдердин тизмеси

Жалпы

Ж1. Мааниси жок

Эч кандай мааниси жок барак же туш келди символдордон турган текст. (мисалы: ksgnhfdkgronb фрвпрльтваьокеавпм ж.б.у.с.)

Ж2. Тест барактары

Википедиянын техникалык мүмкүнчүлүктөрүн текшерүү үчүн түзүлгөн барак, бул үчүн атайын иштелип чыккан барактар болуп ал барактар бул тизмеге кирбейт.

Ж3. Вандализм

Бул ачык калптарды, ошондой эле вандализмдин кесепеттерин жоюуда түзүлгөн убактылуу багыттарды камтыйт.

Ж4. Мурда өчүрүлгөн барактын негизсиз калыбына келтирилген нускасы

Бул ченем (критерий) талкуунун негизинде мурда жок кылынган барактарды негизсиз калыбына келтирилген көчүрмөлөрүнө карата колдонулат.

Ж5. Бөгөттөлгөн колдонуучулар тарабынан түзүлгөн баракчалар

Бул ченем бөгөттөлгөн колдонуучулар түзгөн баракчаларга карата колдонулат.

Ж6. Автордун каалоосу менен

Бул ченем баракты түзгөн колдонуучу (б.а. барактын (макаланын) автору) барактын өчүрүлүүсүн суранган учурларга карата колдонулат (мында барак ошол автор тарабынан жазылган болуп, жок кылуунун себеби көрсөтүлүшү керек).

Ж7. Көчүрүү мүмкүнчүлүгүн түзүү үчүн

Баракты көчүрүү же түзөтүү таржымалын (тарыхын) бириктирүү үчүн. Бул иш-аракет эч кандай каршылык көрсөтпөөгө же алдын-ала макулдашуу боюнча жүргүзүлүүгө тийиш.

Ж8. Мурда болбогон же өчүрүлгөн баракка шилтеме берген барактар

Мисалы:

• Тиешелүү тема барагы жок талкуу барактары.
• Жеткиликсиз барактарга багыттоо калтырган багыттоочу барактар.

Ж9. Басмырлоочу жана мындан башка максатка кызмат кылбаган баракчалар

Бул ченем жалаа жабуу, коркутуу, куугунтуктоо же коркутуу үчүн арналган материалдарды камтыган барактарга карата колдонулат.

Ж10. Жарнама (Реклама)

Бул жарнамага (реклама) арналган баракчаларга гана тиешелүү деп эсептелет. Эгер тема (макала) көңүл бурууга татыктуу болсо жана мазмуунун нейтралдуу көз караш менен жазылган текст менен алмаштырууга мүмкүнчүлүк бар болсо, аны өчүрүүдөн көрө, ошол баракчаны сактап койгон оң (албетте, барак кайра түзөтүлсө).

Ж11. Автордук укуктардын бузулушу

Бул текстти эч кандай өзгөртүүсүз китеп, журнал, газета жана веб-сайттан көчүргөндө, эркин лицензияланбаган жана сактоого арзырлык мазмунду камтыбаган тексти бар барактарга тиешелүү. Көбүрөөк маалымат алуу үчүн Википедия:Автордук укуктардын бузулушу барагына караңыз.

Макалалар

Бул ченемдер (критерийлер) негизги аталыштарга гана тиешелүү барактарга (макалаларга) колдонулат.

М1. Энциклопедиялык эмес кыска макалалар

Мисалы: Азамат бүгүн мектепке барды.

М2. Толугу менен кыргыз тилинде болбогон же машина менен которулган макалалар

Толугу менен кыргыз тилине которулбаган макалалар, эгерде алар жакын арада кыргыз тилине которулбаса. Ошондой эле түзөтүүгө болбой калган машина котормосун камтыган макалалар да тездик менен өчүрүлүүсү мүмкүн.

М3. Шилтемелерди гана камтыган макалалар

Бул категориялардан гана турган макалаларды өзүнө камтыйт.

М4. Викимедиянын башка долбоорлорунан көчүрүлгөн макалалар

Мисалы, Википедиянын башка долбоорлорунун (Викибулак, Викисөздүк, Викиүзүндү жана ж.б.) барактарынан тексттерди көчүрүп алуу.

М6. Коомчулукка белгилүү болбогон адамдар, уюмдар, веб-сайттар жана ошондой эле ар кандай окуялар тууралуу макалалар

Мисалы: "Нуралиев Самат — айылыбыздын трактористи. Ал он жылдан бери трактор айдайт. Кичипейил, жакшы адам." Ж.б.у.с.

Эгерде макаланын автору макалада сүрөттөлгөн объектти белгилүү деп тастыктай алса, анда ал талкуу баракчасында бул аргументке комментарий берүүгө милдеттүү.

Багыттоолор

Багыттоолор (redirect) автоматтык түрдө бир барактан башкасына багытталат.

Категориялар

К1. Бош категориялар

Бул ченем кеминде жети күн бош болгон категорияларга тиешелүү.

Колдонуучулардын барактары

КБ1. Колдонуучунун өтүнүчү менен

Колдонуучунун өтүнүчү боюнча Жеке колдонуучу барактар ​​(колдонуучунун негизги баракчасын талкуулоодон тышкары) ээсинин өтүнүчү боюнча өчүрүлүшү мүмкүн.