Гүллү (ырчы)
 | |
 | |
| Негизги маалымат | |
|---|---|
| Төрөлгөндөгү ысымы |
түрк. Gül Tut |
| Туулган датасы | |
| Туулган жери |
Германия, Гамбург |
| Өлгөн датасы |
26 -сентябрь 2025 (51 жаш) |
| Өлгөн жери |
Түркия, Ялова, Чынаржык |
| Өлкө | |
| Кесиптери |
ырчы |
| Жанрлары |
арабеска жана Fantezi |
| Активдүү жылдары |
1988-2025 |
| Лейблдар |
Şahin Özer Müzik |
 Аудио, фото, видео Викиказынада | |
Гүллү (түрк. Güllü), нукура ысымы — Гүл Тут (түрк. Gül Tut, 15-октябрь 1973, Гамбург — 26-сентбярь 2025, Ялова, Чынаржык) — түрк ырчысы.
Өмүр баяны
[түзөтүү | булагын түзөтүү]Балалыгы
[түзөтүү | булагын түзөтүү]Гүл Тут 1973-жылдын 15-октябрында Германия Федеративдүү Республикасынын Гамбург шаарында төрөлүп, ошол жерден билим алган. Цыган тектүү Гүр Туттун жана Южел Угурлунун үй-бүлөсүндөгү үч баланын ортончусу болгон. Кадер аттуу эжеси жана Рашит аттуу иниси бар.
Карьерасы
[түзөтүү | булагын түзөтүү]Гүллү музыкалык карьерасын өспүрүм курагында баштап, түнкү клубдарда жана тойлордо ырдап жүргөн. 1990-жылдары ал «Касымпашалык Гүллү» деген ат менен белгилүү болуп, fantezi жана арабеска стилдериндеги цыган ырлары аркылуу таанылган. 1994-жылдан 2004-жылга чейин ал жети студиялык музыкалык альбом чыгарган: «Oyuncak Gibi» (1994), «Yalan Sevgiler» (1995), «Değmezmiş Sana» (1996), «Kırılırım» (1998), «Zalim Yar» (2000), «Ve Ben» (2002) жана «Hayatımın Yanlışı» (2004).
Жеке жашоосу
[түзөтүү | булагын түзөтүү]1996-жылдан 2002-жылга чейин Гүллү музыкалык продюсер Гүрол Гүлтер менен никеде болгон. Бул никеден анын эки баласы төрөлгөн: кызы Туян Үлкем Гүлтер (1998-жылдын 5-августунда төрөлгөн) жана уулу Тугберк Ягыз Хамза Гүлтер (2000-жылы төрөлгөн)[1]. Кызы Туяндан Кармен (2022-жылы төрөлгөн) аттуу небереси бар.
2008-жылы Гүллү Якажыкта алкоголдук комага түшүп, ооруканага жаткырылган жана дарылангандан кийин чыгарылган[2]. 2016-жылы карызы үчүн алты күн түрмөдө отурган[3].
Каза болушу
[түзөтүү | булагын түзөтүү]Гүллү 2025-жылдын 26-сентябрында 51 жаш курагында Чынаржыктаги алтынчы кабаттагы батиринин терезесинен кулап каза болгон[4]. Эртеси күнү ал Тузладагы көрүстөнгө коюлган.
Тергөө иштери
[түзөтүү | булагын түзөтүү]Ялова провинциясынын бийлиги Гүллүнүн өлүмү боюнча тергөө башталганын жарыялаган. 2025-жылдын 29-сентябрында ырчы өнөр көрсөткөн көңүл ачуу жайынын ээси Ферди Айдын түз эфирде анын пикири боюнча Гүллү өлтүрүлгөнүн билдирген[5]. 2-октябрда Гүллүнүн өлүмү боюнча иш адам өлтүрүүлөрдү иликтөө бөлүмүнө өткөрүлгөн.
2025-жылдын 28-октябрында Айдын полицияга Гүллүнүн кызы Туян Гүлтерге каршы арыз берип, аны апасын өлтүрдү деп айыптаган жана ал үй-бүлөнүн досу менен болгон жеке кат алышууда кылмышын мойнуна алганын билдирген[6]. Кийинчерээк Гүлтер ал аялга коркутуу көрсөтүп, анын телефонундагы кат алышууну күч менен өчүргөнү айтылган. 4-декабрда Гүллүнүн кошунасы телеберүүдө өз үйүндөгү байкоо камераларынын жазууларын көргөндөн кийин аялды түртүп жиберишкенин, андан соң ал терезеден кулап кеткенин далилдеген материалдарды тапканын айтып, видеону полицияга тапшырган.
2025-жылдын 9-декабрында Гүлтер полицияга Айдынга, өзүнүн адвокатына жана дагы алты адамга каршы «жеке жашоонун кол тийбестигин бузуу» боюнча арыз берген. Ошол эле күнү Гүлтер жана анын досу Султан Нур Улу Түркиядан чыгып кетүүгө аракет кылып жаткан учурда кармалып, атайылап адам өлтүрүү айыбы менен Ялова полиция бөлүмүнө жеткирилген[7].
2025-жылдын 12-декабрында үй камагына алынган Гүлтер өз энесин түртүп жибергенин, андан кийин ал терезеден кулап кеткенин билдирген. 2025-жылдын 13-декабрында Гүлтерге атайылап адам өлтүрүү боюнча айып тагылган[8].
Булактар
[түзөтүү | булагын түзөтүү]- ↑ Şarkıcı Güllü tek celsede boşandı.
- ↑ Güllü...ALKOL YÜZÜNDEN HASTANELİK OLDU!. Текшерилген күнү 14 -май (бугу) 2026. Түп булактан архивделген күнү 22 -март (жалган куран) 2020.
- ↑ Deniz Seki'nin 'Güllü' açıklaması ortalığı karıştırdı: Şarkıcı Kader'den yanıt geldi!.
- ↑ ÜNLÜ ŞARKICI GÜLLÜ HAYATINI KAYBETTİ! Güllü neden öldü, kaç yaşındaydı?. Текшерилген күнү 14 -май (бугу) 2026. Түп булактан архивделген күнү 26 -сентябрь (аяк оона) 2025.
- ↑ SON DAKİKA: Şarkıcı Güllü'nün patronundan şok iddia: "Kesinlikle öldürüldü, bu bir cinayet" O isimleri suçladı....
- ↑ Ferdi Aydın: Elimde 'Keşke annemi öldürmeseydim' itirafı var... Güllü'nün kızı Tuğyan Ülkem Gülter: Savcı beni bırakır mıydı?.
- ↑ Güllü'nün ölümüyle ilgili soruşturmada kızı tutuklandı. Текшерилген күнү 14 -май (бугу) 2026. Түп булактан архивделген күнү 14 -декабрь (бештин айы) 2025.
- ↑ Güllü'nün kızı Tuğyan Ülkem Gülter'in avukatları davadan çekildi: Yeterli şüphe oluştu. Текшерилген күнү 14 -май (бугу) 2026. Түп булактан архивделген күнү 12 -декабрь (бештин айы) 2025.