Давиденко Геннадий Валерьевич

Давиденко Геннадий Валерьевич (13. 3. 1948-ж. туулган, Панфилов району, Тельман кыштагы) - партиялык жана мамлекеттик кызматьсер, айыл чарбасына эмгек сиңирген ишмер (1995), 3-класстагы мамлекеттик кеңешчи (2001) жана Кыргыз Республикасынын эл агартуусунун, граждандык коргонуусунун, дене тарбия жана спортунун отличниги.

Коомдук ишмер. Бишкектеги К. И. Скрябин атындагы Кыргыз мамлекеттик айыл чарба (1971) жана Алматыдагы (Казакстан) Экономика жана башкаруу институттарын бүтүргөн (1990).
Эмгек жолун 1971-ж. Калинин (Жайыл) районундагы «Орок жана Балка» колхозунда өнөркананын башчысы болуп иштөөдөн баштаган.
1973-76-жылдары Ленин колхозунда башкы инженер, 1975-76-жылдары Советтик Армиянын катарында ротанын командиринин орун басары болуп кызмат өтөгөн.
1977-87-жылдары ошол эле Ленин колхозунда партиялык уюмдун катчысы, Калинин районундагы «Чүй» совхозунун директору, РАПОнун башкармасы, 1987-92-жылдары Түп жана Калинин райондорунда райондук аткаруу комитеттеринин төрагасы жана райондук партия комитетинин Бкатчысы, 1992-2005-жылдары Панфилов, Москва, Ысык-Ата, Жайыл райондорунда мамлекеттик администрация башчысы - аким болуп иштеп келген.
Жайыл районунун жана Суусамыр өрөөнүнүн социалдык, экономикалык, маданий өнүгүүсүнө өз салымын кошуп келет.
Учурда Бишкектеги «Континет» компаниясында башкы директорунун орун басары болуп иштөөдө.
Ал «Ардак Белгиси» ордени (1986), «Манас 1000» (1995), «Даңк» медалы (2002), «Кыргыз милициясына 75 жыл», «Кыргыз Республикасынын куралдуу күчтөрүнө 10 жыл» юбилейлик медалдары менен сыйланган.
Облустук кеңештерге жана Кыргыз Республикасынын Жогорку Кеңешине депутат болуп шайланган.

Колдонулган адабияттар[түзөтүү | булагын түзөтүү]

Суусамыр: Энциклопедия /Башкы ред. Ү. Асанов. - Б.: Энцик. борбору, 2010. - 312 б., илл. ISBN 978-9967-14-076-9