Инкрустациялык стиль
Инкрустациялык стиль – XI–XIII кылымдар Тосканада, Борбордук Италияда, өнүккөн роман стилиндеги архитектуранын багыты. И. с-дин курулуштары (Сан-Джованни баптистерийи 1059-ж. ыйык деп таанылган, Сан-Миньято аль Монте чиркөөсү, 1014–1207, Флоренция) өздөрүнүн пропорциясынын бай гармониялуулугу (төп келишкендиги), жасалгасы, түстүү мрамор менен басылып кооздолгону менен айырмаланып турат. И. с-дин имараттарына антик үлгүлөрү боюнча жасалган, жеңил жасалгалык аркадалар, шаңдуулук менен аземдүүлүктү берип турат.
Колдонулган адабияттар
[түзөтүү | булагын түзөтүү]- Кыргыз сүрөт искусствосу: Энциклопедиялык окуу куралы/Мамлекеттик тил жана энциклопедия борбору. -Б.:, 2004