Инфитар сүрөсү

• 82-сүрө

Инфитар сүрөсү (1) Жарылуу

• Меккеде түшүрүлгөн. 19 аяттан турат
• Кыргызча котормо мааниси
• Мээримдүү, Ырайымдуу Алланын аты менен!
• 1. Асман жарылып,
• 2. Жылдыздар төгүлүп,
• 3. деңиздер (толуп-ташып), бири-бирине кошулганда…
• 4. Жана мүрзөлөр оодарылганда...
• 5. (Ар бир) жан (ээси) эмне ишти алып келгенин жана (эмне ишти кечиктирип) калтырганын билип алат. (2)
• 6. О, (каапыр) инсан! Сени Улук Раббиң жөнүндө (туура ойлонуудан) эмне алдап койду ?!
• 7. Ал сени жаратып, келбетиңди келиштирген эле!
• 8. Жана Ал сени ϴзү каалаган сүрөттө калыптандырган!!
• 9. Жок! Силер (ойлонуп, моюн сунуунун ордуна) сурак күнүн "жалган" дедиңер!
• 10. Чынында, силердин үстүңөрдө (ар бир ишиңерди) сактоочу периштелер бар!
• 11. (Ар бир нерсени) жазып турган улук периштелер бар!
• 12. Силердин бардык ишиңерди билип турушат.
• 13. Чынында жакшы кишилер нээмат бейиштеринде. (3)
• 14. Ал эми, бузуку кишилер тозокто болушат!
• 15. Алар ага (Тозокко) сурак күнү ташталат!
• 16. Анан андан чыга алышпайт!
• 17. (О, Мухаммад! Биз айтпасак) сурак күнү эмне экенин сен кайдан билмексиң?
• 18. Анан, сурак күнү эмне экенин сен кайдан билмексиң? (4)
• 19. Ал күнү (Аллахтан уруксат болмоюнча) эч ким эч кимге (пайда) жеткире албайт! Ал күнү бардык иш Аллахтын ыктыярында!
• (1) Жарылуу