Калымбетова Күлен Жантемировна
 | |
| Төрөлгөндөгү ысымы |
каз. Күлән Жантемірқызы Қалымбетова |
|---|---|
| Туулган датасы |
22 -апрель 1957 (69 жаш) |
| Туулган жери |
СССР, Казак ССР, Кызыл-Ордо облусу, Казалин району |
| Өлкө | |
Калымбетова Күлен Жантемировна (каз. Күлән Жантемірқызы Қалымбетова, 22-апрель 1957, СССР, Казак ССР, Кызыл-Ордо облусу, Казалин району) — казак эстрада ырчысы. Казакстан Республикасынын эмгек сиңирген артисти (1998).
Өмүр баяны
[түзөтүү | булагын түзөтүү]Кулян Жантемировна Калымбетова 1957-жылы 22-апрелде Кызыл-Ордо облусунун, Казалин районунда жарык дүйнөгө келген[1].
1974–1978-жылдары М. Маметова атындагы Кызыл-Ордо педагогикалык окуу жайын «башталгыч класстардын мугалими» адистиги боюнча аяктаган.
2002-жылы Кызыл-Ордо педагогикалык университетин кызыл диплом менен бүтүргөн.
1978-жылдан тартып Кызыл-Ордо облустук филармониясынын солисти.
Чыгармачылыгы
[түзөтүү | булагын түзөтүү]Эмгек жолун 1977-жылы Мелиораторлор сарайында көркөм жетекчи болуп баштаган[1].
1978-жылы январда «Өмүрүмдү ыр менен өрнөктөйбүз» аттуу облустук сынакка катышып, анын жыйынтыгында облустук филармонияга ишке чакырылган. Бир нече облустук музыкалык сынактардын жеңүүчүсү.
1992-жылы Шамшы Калдаяков атындагы биринчи республикалык аткаруучулар сынагынын лауреаты.
1993–1994-жылдары Алматы шаарында өткөн «Каркара» таланттар жарманкесине катышкан[1].
Өзбекстандагы Бухара, Самаркан, Навои шаарларында, ошондой эле Тажикстан, Түркмөнстан жана Кыргызстанда гастролдук сапарлар менен өнөр көрсөткөн[2].
Сыйлыктары
[түзөтүү | булагын түзөтүү]- 1998-жылдын 13-майында Казакстан Республикасынын Президенти Н.А. Назарбаевдин колунан «Казакстан Республикасынын эмгек сиңирген артисти» ардактуу наамын алган[1].
- 2016-жылы «Эмгек ардагери» медалы менен сыйланган[1].