Каримов Мажит

Wikipedia дан
Jump to navigation Jump to search

Каримов Мажит - жазуучу.

Мажит Каримов Ленин районунун Сакалды айылында 1937-жылы туулган. Жалал-Абад балдар үйүндө тарбияланган.
1956-жылы өз айылындагы мектеп-интернатты, ал эми 1965-жылы КМУнун филология факультетин аяктаган.
Эмгек жолун 1956-жылы Ош облусунун Ленин районунун орто мектебинде пионердик тарбиячы болуп иштөөдөн баштаган.
1965-жылы Кыргыз ССРинин Мамтелерадио комитетине редактор,
1968–1978-жж. Таш-Көмүр шаарындагы №6 орто мектебинде кыргыз тили жана адабияты мугалими,
1978-жылдан Ленин районунун ВЛКСМдын 50 жылдыгы атындагы №20 орто мектепте иштеген.
Чыгармалары 1956-жылдан тартып жарык көрө баштаган. Анын 1963-жылы биринчи жарык көргөн китеби болуп «Баарыбыз бала болгонбуз» повести эсептелинет.
1983-жылдан СССР Жазуучулар союзунун мүчөсү.

ЖАРЫК КӨРГӨН КИТЕПТЕРИ

Кыргыз тилинде

Баарыбыз бала болгонбуз: Повесть. – Ф.: Мектеп, 1973. – 119 б.

Ак жол сага адам!: Повесть. – Ф.: Мектеп, 1976. – 112 б.

Ата: Аңгемелер. – Ф.: Кыргызстан, 1983. – 144 б.

Жашыл көпүрө: Повесттер жана аңгемелер. – Ф.: Мектеп, 1985. – 158 б.

Алтын таяк: Жомоктор. – Ф.: Мектеп, 1987. – 12 б.