Каркыра туз кени
Каркыра туз кени Ысык-Көл облусунун Түп районунда, Каркыра суусунун сол жээгинде, Каракол шаарынан 90 км чыгыш түндүк-чыгышта, деңиз деңгээлинен 1800 м бийиктикте. Неоген мезгилинде пайда болгон туздуу катмардын узундугу 15 км, туурасы 2 км. Туздар жер үстүнөн 1,0 – 0,5 м тереңдикте жатат. Жыргалаң жана Тузсуу сууларынын боюнан чыккан туздуу булактардын негизинде, тереңдикте галит тузунун калың кабаты бар деген тыянакка келүүгө болот. Туз кени начар изилденген. Болжол ресурсу 30–40 млн т.
Колдонулган адабияттар
[түзөтүү | булагын түзөтүү]- Кыргызстандын кен байлыгы: Энциклопедиялык окуу куралы/Мамлекеттик тил жана энциклопедия борбору. Бишкек – 2004, ISBN 9967-14-009-7