Карымшаков Ракым
Карымшаков Ракым (1936-жылы туулган, Ысык-Көл облусу, Ак-Суу району, Отуз-Уул айылы) – физик, физика-математика илимдеринин доктору (1995), профессор (2001). КМУну (1961), СССР Илимдер академиясынын Физикалык-техника институтунун аспирантурасын (1968, Ленинград) бүтүргөн. 1961-жылдан мектепте мугалим, ФПИде ассистент, ФПИнин филиалында инженер (Россия, Гатчина шаары), ФПИде доцент, кафедра башчысы, КМУУда профессор, Чүй университетинде профессор, 2000-жылдан «Дастан» техникалык университетинде да профессор Жарым өткөргүчтөр, оптика жана конденсацияланган нерселер физикасы боюнча адис. 80ден ашык илимий эмгеги, анын ичинде 2 монография, 1 ойлоп табуусу, 1 сөздүк, 5 окуу китеби жарык көргөн. Эмгектери: Оптические и магнитооптические свойства некоторых тройных полупроводниковых кристаллов. Б., 1994; Жарым өткөргүчтөрдүн магнитоптикалык жана электроптикалык касиеттери. Б., 1996; Жарым өткөргүчтөрдүн оптикасы. Б., 1999.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9