Каттахаз кум-шагыл кени

Каттахаз кум-шагыл кени - Ош облусунун Кара-Суу районунда, Ош шаарынан 2–3 км түштүк-батышта, Ак-Буура суусунун сол жээгинде, деңиз деңгээлинен 1000–1300 м бийиктикте. 1977-жылы Түштүк Кыргыз геологиялык экспедициясы чалгындаган. Калыңдыгы 30 мден 70 мге жеткен плиоцен төмөнкү төртүнчүлүк мезгилиндеги аллювий кум-шагылдан түзүлгөн. Кум-шагылдын астында конгломераттар жатат, калыңдыгы 7,5–10 мге жеткен кумайлуу чопо менен жабылып калган. Кошундуда 25,5% койташ, 52% шагыл, 22,5% кум бар. Кум-шагыл «300» маркадагы бетон даярдоого жарамдуу. Запасы А+В категориясы боюнча – 6000 миң³, С₁ – 9700 миң³, А+В+С₁ – 15700 м³. 1997-жылга карата баланстагы запасы А – 122 миң³, В – 1841 миң м³, А+В – 1963 миң м³, С₁ – 9700 миң м³, А+В+С₁ – 11663 миң м³.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9