Кен ташты тазалоо

Кен ташты тазалоо - кен байлыктарды жер астынан казып алып жатканда кен ташты тоо тектерден, кошундулардан, таштандылардан арылтуу. Өз ичинен кен ташты тоо тектер жана бирге (дүң) жана ар бирин өз алдынча (селектор) казып алуучу түрлөргө бөлүнөт. Мында кен ташты тоо тегинен бөлүп казуучу казма — тазалоочу казма, үңүлмөсү — тазалоочу үңүлмө, кен таштарды тазалап, өз алдынча бөлүп алгандан кийин пайда болгон боштук тазаланган боштук деп аталат. Чоң кен таштарда бургулап жардыруу комплекстүү жүргүзүлөт. Натыйжада кен таш кесек бөлүкчөлөргө бөлүнүп талкаланат. Жер астынан көмүрдү сорттоп бөлүүдө комбайн, конвейер, жүктөгүч, скрепер, экскаватор, механикалашкан бекитмелер колдонулат.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9