Китаев Михаил Исаакович
Китаев Михаил Исаакович (1926-жылы туулган, Украина, Луганск областы, Комуннар шаары) — медицина илимдеринин доктору (1967), профессор (1968). Кыргыз Республикасынын илимге эмгек сиңирген ишмери (1990). КММИни (1948), ошол эле институттун аспирантурасын (1951) бүтүргөн. Кыргызстан туберкулёз ИИИде (1951—65), Кыргыз ССР Илимдер академиясынын Бийик тоо физиологиясы жана эксперименттик патология ИИИде (1965—75) жана Кыргыз Кардиология ИИИде лаборатория башчысы болуп иштеген (1975—95). Иммунология жана патология физиология боюнча адис. 50дөн ашык илимий эмгеги, анын ичинде 12 монография, 1 окуу китеби, 6 ойлоп табуусу бар. Эмгектери: Иммунология силикоза и силикотуберкулёза. Ф., 1968; Муколитическая система крови при туберкулёзе (в соавторстве). Ф., 1973; Иммунноаллергические реакции лейкоцитов при туберкулёзе. Ф., 1978; Иммунный гомеостаз в экстремальных природных условиях (в соавторстве). Ф., 1985.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9