Кишен

Кишен — 1) качып же ууру алып кетпес үчүн жылкынын алдыңкы эки бутуна салып, бекитип коюучу темир тушоо. Кишен бир жак башы жарым айлана жумуру темирден, ага биригип, бекитиле турган экинчи бөлүгү бөрү тил же бурама түрүндөгү кулпу сымал бекиткичтен турат. Кишен ачкыч менен ачылып, жабылат; 2) күнөөлүү адамдын колу-бутуна салынуучу темирден жасалган богоо.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9