Командалык пункт

Командалык пункт – согуш майданында аскерлерди башкаруу үчүн командир туруучу жай. Командалык пункт командачыга аскерлерди башкарууга ыңгайлуу, кол алдындагы командирлер, коңшу бөлүктөр, бирикмелер жана жогорку штаб менен дайыма байланыша алгыдай жерге жайгаштырылат. Байкоо жүргүзүүчү, сигнал берүүчү жана байланыш каражаттары бар транспорттор менен жабдылат. Командалык пунктта штабдын негизги курамы, аскер башчылары ж. б. болот. Командалык пунктту көчүргөндө аскерлерди башкаруу иши токтобойт.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9