Коопсуз аралык

Коопсуз аралык – жарылуучу заттардан кишиге, механизмге, үйлөргө чейинки жардыруу таасири тийбеген аралык. Бул аралык «Жардыруу иштеринин эрежеси» боюнча аныкталат. Эл отурукташкан аймактарда ар кандай кокустуктардан сактануу үчүн жардыруу иштери негизги жерден эки эсе алыс жүргүзүлөт. Көп кабаттуу үйлөрдүн, бураналардын, көпүрөлөрдүн аралыгы атайын эсептөөлөр менен такталат.