Кремний кош окcиди

Кремний кош окcиди, кремнезём, кремний ангидриди, SiO₂ – кремнийдин кычкылтек менен бирикмеси. Балкып эрүү t 11728⁰С, кайноо t 12590⁰С. Жаратылышта кварц, тридимит, кристобалит, китит, коусит минералдары түрүндө кездешет. Анын кристаллдык модификациясынын түрлөрү көп, кварц минералы ж. б. түрүндө жер кыртышынын массасынын 12%ин түзөт. Cууда, кислотаталарда (плавик кислотасынан башка), оргникалык эриткичтерде эрибейт. Щелочтордо жакшы эрийт. Фтор, фтордуу суутек менен реакцияга кирет. Cуу буусунун атмосферасында кремний хлоридинин (SiCl4) буусун курамдык бөлүккө ажыратуудан (1100–1400⁰С) аморфтуу кремнезём пайда болот. Ал радиотехникада, силикат өнөр-жайыда, айнек, фарфор, фаянс, карапа, силикат кыштарын, цемент ж. б. алууда колдонулат.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9