Кутейба бен Муслим ал-Бахили Абу Хафс

Wikipedia дан
Jump to navigation Jump to search

Кутейба бен Муслим ал-Бахили Абу Хафс (туулган жылы белгисиз — 715) — араб аскер кол башчысы. Ирактын бийлөөчүсү Хаджаж ибн Юсуф аны 704-жылы борбору Мерв (азыркы Мары) шаары болгон Хорасан аймагынын наместниги кылып дайындаган. Кутейба ислам динин кабыл алган. Фарсылар менен Аму дарыясынынын оң жээгиндеги түрктөрдүн көп жылдык кагылышууларынан пайдаланып, 705-жылы Балхты (азыркы Афганстандагы Мазари-Шариф шаары), 706—09-жылдары Букар шаарын, 710—12-жылдары Самарканд жана Хорезмди, 712-жылы Фергананы басып алган. 713-жылы Кашкарды каратуу, 715-жылы Омейяддардын халифи Сулайман бен АбдалМаликти багындыруу аракеттери ишке ашпастан, каршылаштары тарабынан 715-жылы өлтүрүлгөн.

Колдонулган адабияттар[оңдоо | булагын оңдоо]