Кызыл-Кыя глиеж кени
Кызыл-Кыя глиеж кени - Баткен облусунун Кадамжай районунда, Кызыл-Кыя шаарынын түштүк-чыгыш четинде. 1930-ж. ачылган. Юра мезгилинде пайда болгон көмүрлүү катмардан турат. Глиеж кабаттары көмүр катмарынын үстүндө линза сымал тилкеленип жатат. Калыңдыгы 3-4 м, узундугу 600-1500 м. Глиеж ачык жана кочкул кызыл, саргыч кызгылт, кызгылт көк түстө. Арасында кумдук, алевролит, конгломерат кездешет.
Колдонулган адабияттар[түзөтүү | булагын түзөтүү]
- Кыргызстандын кен байлыгы: Энциклопедиялык окуу куралы/Мамлекеттик тил жана энциклопедия борбору. Бишкек – 2004, ISBN 9967-14-009-7
- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9