Кызыл-Туу чопо кени

Кызыл-Туу чопо кени Чүй облусунун Сокулук районунда, Кызыл-Туу кыштагынан 0,5 км түштүктө, деңиз деңгээлинен 970–1100 м бийиктикте, Жыламаш суусунун чыгыш жээгинде. 1992-ж. чалгындалган. Кен аянты төртүнчүлүк мезгилинде пайда болгон кумайлуу чопо катмарынан түзүлгөн. Кумайлуу чопо "100", "125" маркадагы кирпичти алууга жарамдуу. Запасы В категориясы боюнча 314 миң м3, С1–1296 миң м3, В+С1–1610 миң м3.

Колдонулган адабияттар

• Кыргызстандын кен байлыгы: Энциклопедиялык окуу куралы/Мамлекеттик тил жана энциклопедия борбору. Бишкек – 2004, ISBN 9967-14-009-7