Кыргыз Республикасынын калкты тейлөө чөйрөсүнө эмгек сиңирген кызматкер
Кыргыз Республикасынын калкты тейлөө чөйрөсүнө эмгек сиңирген кызматкер — Кыргыз Республикасынын ардактуу наамы (1991—2026-жж.).
2026-жылы Кыргыз Республикасынын мамлекеттик сыйлыктар системасын реформалоонун алкагында бул наамды берүү токтотулган.
Бул наам калкты тейлөө чөйрөсүндө (турмуш-тиричилик, турак жай-коммуналдык чарба ж.б.) кеминде 15 жыл иштеген жана бул тармакты өнүктүрүүгө өзгөчө салым кошкон адистерге берилген.
Тарыхы
[түзөтүү | булагын түзөтүү]Бул наамдын тарыхы Кыргыз ССРинин мезгилине барып такалат. Советтер союзунун убагында ал «Кыргыз ССРинин калкка тиричилик жактан кызмат көрсөтүү чөйрөсүнө эмгек сиңирген кызматкер» деп аталган. 2026-жылдагы өзгөрүүлөргө чейин бул тармактагы эң жогорку сыйлыктардын бири деп эсептелген.
Наамды берүү тартиби
[түзөтүү | булагын түзөтүү]Расмий жобого ылайык, бул ардактуу наам төмөнкүдөй эмгеги үчүн берилген:
- Калкты турмуш-тиричилик, соода, турак жай, коммуналдык жана башка тейлөө кызматтарын көрсөтүүдөгү чоң эмгеги үчүн;
- Кызмат көрсөтүүнүн жаңы түрлөрүн, формаларын жана ыкмаларын иштеп чыгуу жана ишке киргизүү үчүн;
- Калкка социалдык жардам көрсөтүүнү жана пенсиялык камсыздоону уюштуруудагы ийгиликтери үчүн;
- Тармакта кеминде 15 жыл иштеген жогорку квалификациялуу адистерге ыйгарылган.