Кыргыз театр ишмерлеринин союзу
Кыргыз театр ишмерлеринин союзу — театр искусствосун өнүктүрүүгө көмөктөшүүчү театр ишмерлеринин республикалык чыгармачыл уюму. 1961-жылы Кыргыз ССР театр коому катары уюшулган, 1986-жылдан азыркы аталышта. Башкы милдети: театр чыгармаларынын көркөмдүкмазмундук деңгээлин, анын ишмерлеринин көркөм чеберчилигин жогорулатууга, турмуш менен байланышын чыңдоого жана элди патриотизм, интернационализм маанайында тарбиялоого көмөктөшөт. Союздун президиуму 15 мүчөдөн турат. Коомдун төрагалары М. Рыскулов (1961—75), Т. Абдумомунов (1975—86), Союздун төрагасы Ч. Базарбаев (1986—96), Т. Жолдошбеков (1996—2005), М. Шаршенбаев (2005-жылдан).
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9