Кыямат сүрөсү

• 75-сүрө

Кыйамат сүрөсү

• Меккеде түшүрүлгөн. Кырк айаттан турат.
• Кыргызча котормо мааниси
• Мээримдүү, Ырайымдуу Алланын аты менен!
• 1. Кыйамат Күнүнө ант!
• 2. Өзүн-өзү жемелеген жанга ант!
• 3. Инсан Биз анын сөөктөрүн чогулта[1] албайт деп ойлойбу?!
• 4. Ооба (чындыгында), Биз анын манжаларынын учунан бери өз калыбына келтирүүгө Кудуреттүүбүз.
• 5. Балким … инсан келечекте бузукулукту дагы да кыла берүүнү каалап турабы?
• 6. Ал: “Кыйамат Күнү качан болот?” – деп сурайт.
• 7. Качан көздөр караңгыласа,
• 8. Ай (түнөрүп) тутулса,
• 9. Күн менен Ай бириктирилсе,
• 10. Ошол күнү инсан: “Мен кутулуучу жай кайда?” – деп сурап калат.
• 11. О, жок! Качып кутулуу жок!
• 12. Ал Күндө Эгеңдин алдында гана (кутулуучу) жай (бар).
• 13. Ошол Күнү инсанга ал алдына эмне дайардап, (алып) келгенинен, эмнени артына калтырып койгонунан кабар берилет.
• 14. Инсан (ал күнү) өзүнө-өзү күбөлүккө өтөт.
• 15. Эгер ал кечирим суроону кааласа да.
• 16. (Эй, Мухаммед), сен тилиңди шашкалактап кыймылдатпа,
• 17. Акыйкатта аны жыйноо жана окутуу Бизге таандык.
• 18. Биз аны сага окуп бергенден кийин гана окууга ээрчигин.
• 19. Андан соң (аны) түшүндүрүү Биздин иш.
• 20. О, жок! Силер нак дүйнөнү сүйөсүңөр да,
• 21. Акыретти артка таштап коесуңар[2]
• 22. Кээ бир жүздөр ошол күнү албырып,
• 23. Эгесине карашат.
• 24. Ал күнү (бир топтун) өңдөрү тырышып-шүмүрөйөт.
• 25. Алар өздөрүнүн омуртка-белин сындырчуу азапты күтүшөт.
• 26. О, жок! Жан алкымга келген кезде,
• 27. “Ким дем сала алат?” – деп айтылат[3].
• 28. Ошондо ал айрылуу маалы келгенин сезет.
• 29. Буттары бириктирилет[4].
• 30. Ал күнү Эгесинин алдына (айдалып) келет.
• 31. Ал (ыймансыз) ишенген да, намаз окуган да эмес.
• 32. (Куранды) четке кагып, (динден) терс бурулган,
• 33. Мактана-бой көтөрүп, үй-бүлөсүнө барган.
• 34. Куруп кал сен, о куруп кал!
• 35. Андан соң[5] куруп кал сен, куруп кал!
• 36. Пенде өзүн кароосуз[6], таштап салынган деп ойлойбу?
• 37. Урук суусунун[7] бир тамчысы эмес беле?!
• 38. Андан соң ал уйуган кан болгон жана аны тегиздеп[8] жараткан.
• 39. Андан[9] эркек, ургаачы кылып, жупту жараткан.
• 40. Бул эмне[10]? (Алла) өлүктөрдү кайра тирилте албайбы?!