Күүлөнткүч

Күүлөнткүч, маховик — түрдүү машиналардын кыймылдаткычынын жетелөөчү октолгоочуна (валына) орнотулган алкактуу дөңгөлөк. Энергия запасын жогорулатуу үчүн көбүнчө күүлөнткүчтүн салмагын алкакка топтоп, ал эми октолгоочтун огуна жакын жагы жука жасалат. Бензин кыймылдаткычында же буу машинасында айлануу моментинин термелүүсүн текшилеп, ар бир иш тактысында энергияны жутуп алып, кайра аларга берип турушу менен октолгоочту бир калыпта айландырып, машинанын бир калыпта иштешин камсыз кылат.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9