Лабубу
| Лабубу | |
| кыт. 拉布布 | |
 | |
| Негизги маалыматтар | |
|---|---|
| Түрү |
жумшак оюнчук, аксессуар, коллекциялык |
| Ойлоп чыгарган |
Луң Касин (龍家昇) |
| Чыгарылган жылы | |
| Компаниясы |
How2Work (2015—2019) |
| Өлкөсү | |
| Активдүүлүгү |
2019 — азыркы учурда |
| Формасы |
ар түрдүү |
 Лабубу Викиказынада | |
Лабубу (кыт. 拉布布, англ. /lɑːˈbuːbu/ lah-BOO-boo) — Гонконгтук Ка Син Луң аттуу сүрөтчү жараткан дизайнердик коллекциялык оюнчук желмогуз эльфтеринин сериясы[1]. Бул оюнчуктар өзгөчө, жаныбарга окшош мүнөздөрү жана ашкере жүз кубулуштары менен айырмаланат. Сериянын башкы каарманы — Лабубу. Анын көрүнүшү кудум кыраакы, суюмдуу жана саксайган: чоң кулак, курч тиш жана эльф сымал элеси бар. Рop Mart компаниясынын айтымында, ал шоктуураак көрүнгөнү менен боорукер мүнөзгө ээ, дайыма жардам бергиси келет, бирок көп учурда тескери жыйынтыкка алып келет. Ал кичинекей жана коркунучтуу көрүнүшү мүмкүн, бирок ниети дайыма жакшы. Анын жигити Тайкоко аттуу вегетарианец-монстр, скелетке окшош[2].
Бул оюнчуктар Кытайда жайгашкан Pop Mart компаниясы тарабынан өндүрүлүп, эксклюзивдүү түрдө сатылат[3]. Pop Mart Лабубу фигураларын негизинен кайсы каарман түшкөнүн жашырган жабык кутуларда чыгарат, бул ыкма "сокур куту" (blind box) деп аталат. Убакыттын өтүшү менен бул серия кеңейип, Лабубунун ар түрдүү версияларын жана ага байланыштуу башка фигураларды камтый баштады. Алар көбүнчө чектелген санда же белгилүү бир темадагы топтом катары чыгарылат.
Тарыхы
[түзөтүү | булагын түзөтүү]Лабубу — бул кичинекей монстр-түлкүндүү оюнчук, аны Гонконгдон чыккан сүрөтчү Касин Луң жараткан. Бул каарман биринчи жолу 2015-жылы Луңдун «Монстрлор» аттуу чыгармагында пайда болгон. Жаратман Нидерланддагы балалык мезгилинен илхам алып, скандинав эл жомокторуна негизделген иллюстрациялык окуяны түзгөн. Ошондой эле ал эльфтер тууралуу байыркы уламыштарды көп окуган[4].
Луң Лабубу менен чектелбестен, Зимомо, Тикоко, Спуки, Пато сыяктуу башка фантазиялуу жандардын да образынын үстүнөн иштеген. Бардыгына өзгөчө, оңой эстелүүчү ысымдарды берген — бул алардын интернеттен оңой табылышын камсыздаган[4].
Бирок ушул көптөгөн каармандардын ичинен эң чоң популярдуулукка Лабубу жетишти. Азыр Лабубу оюнчугун маркетплейстерде, соцтармактарда, көчө базарларында – дээрлик бардык жерде көрүүгө болот. Айрымдар бул оюнчук менен мурдадан тааныш болсо, башкалар азыркыга чейин: «Бул эмне өзү?» – деп кызыгып жүрүшөт[4].
Дизайны
[түзөтүү | булагын түзөтүү]Лабубу — бул ойноок, бирок бир аз жырткыч түрдө көрүнгөн жаныбар сымал жандыктар; алардын тегерек, жумшак денеси, чоң ачылган көздөрү, учтуу кулактары жана тогуз курч тиши бар, алардан тентекчел күлкү пайда болот[5][6]. Бул фигуралар көбүнчө темалык серияларга бөлүнүп, капсула түрүндө сатыкка чыгарылат, анда кайсы Лабубу түшөрү алдын ала белгисиз болот[7]. Айрым топтомдордо өзгөчө сейрек кездешкен "жашыруун" фигуралар да болот[8]. Pop Mart ошондой эле башка бренддер менен кызматташып, 2024-жылдын аягында Coca-Cola темасындагы 11 фигурадан турган кышкы серияны, ал эми 2025-жылдын башында One Piece анимесине арналган 13 фигурадан турган жыйнакты чыгарган[9][10]. Кээ бир фигуралар музейлерге гана арналган версиялар болуп, мисалы, бир сериясы Париждеги Лувр музейиндеги Pop Mart дүкөнүндө гана сатылган[11].
Булактар
[түзөтүү | булагын түзөтүү]- ↑ Зубастые эльфы Лабубу: загадочные существа в мире игрушек (орусча). Tass. Текшерилген күнү 1 -август (баш оона) 2025.
- ↑ What is Labubu? Why is she so popular? We have answers. (англ.). NBC news. Текшерилген күнү 1 -август (баш оона) 2025.
- ↑ I was told they were sold out. I wanted one immediately”: Why countless guys are obsessed with those weird and wild Labubu dolls (англ.). British GQ. Текшерилген күнү 1 -август (баш оона) 2025.
- 1 2 3 Лабубу захватили мир: откуда пошел тренд на плюшевых монстров (орусча). Cпорт-Экспресс. Текшерилген күнү 1 -август (баш оона) 2025.
- ↑ A fluffy, $85 toy is taking Asia by storm and sparking legions of knockoffs. Inside the meteoric rise of Labubu (англ.). Business Insider. Текшерилген күнү 1 -август (баш оона) 2025.
- ↑ All You Need to Know:Labubu 'hottest collectible' right now (англ.). Sunstar. Текшерилген күнү 1 -август (баш оона) 2025.
- ↑ Labubus, Jellycats and Crybaby: Why are toys going viral in 2025? (англ.). Vogue Business. Текшерилген күнү 1 -август (баш оона) 2025. Түп булактан архивделген күнү 30 Апрель 2025.
- ↑ The cult and community of Labubu (англ.). Mashable. Текшерилген күнү 1 -август (баш оона) 2025.
- ↑ POP MART and Coca-Cola Unite for THE MONSTERS Collection: A Must-Have for Collectors (англ.). Stupiddope. Текшерилген күнү 1 -август (баш оона) 2025.
- ↑ How to purchase the Monsters x “One Piece” and Labubu collection in Singapore (англ.). Prestige Online. Текшерилген күнү 1 -август (баш оона) 2025.
- ↑ POP MART: Unveiling an Innovative Retail Experience at the Louvre (англ.). Pop Mart. Текшерилген күнү 1 -август (баш оона) 2025.