Лайл сүрөсү

Википедия дан
  • 92-сүрө

Лайл сүрөсү (1) Түн[оңдоо | булагын оңдоо]

  • Меккеде түшүрүлгөн. 21 аяттан турат
  • Кыргызча котормо мааниси
  • Мээримдүү, Ырайымдуу Алланын аты менен!
  • 1. (Ааламдарды караңгылыгы менен) каптаган түнгө ант!
  • 2. (Жарыгы менен) көрүнгөн күндүзгө ант!
  • 3. Жана эркек менен ургаачыны жараткан Затка ант!
  • 4. Албетте (о, инсандар) силердин аракетиңер ар кандай.
  • 5. Ким (садака) берсе жана такыба кылса
  • 6. жана жакшылыкты (Исламды) тастыктаса -
  • 7. Биз ага жакшылыкты (бактылуу жашоону) жеңил кылабыз.
  • 8. Ал эми, ким (байлыгын Аллах жолуна сарп кылуудан) (сарандык кылса жана (Аллах бере турган соопту) "керек эмес" десе..
  • 9. Жана ыйманды жалган десе..
  • 10. Биз ага түйшүктүү жолго түшүүнү жеңил кылабыз
  • 11. (Тозокко) оңкосунан сайылган убакта (кызганган) мал-мүлкү ага пайда бербей калат!
  • 12. Албетте, (адамдарды) Туура Жолго баштоо Бизге гана таандык иш.
  • 13. Аныгында, Акырет (жашоосу) да, Дүйнө (жашоосу) да Биздин ыктыярыбызда.
  • 14. Мен силердин алоолонгон оттон эскерттим.
  • 15. Ал отко шору каткан адам гана кирет.
  • 16. Ал (Исламды) жалган деп (чындыктын) жүз бурган.
  • 17. Андан (тозоктон) такыбаа киши ыраак болот.
  • 18. Ал мал-мүлкүн (Аллах жолунда) берип, (өзүн сараңдыктан) тазалаган киши.
  • 19. Ал адамга эч ким үчүн (ордуна) сыйлык кайтарыла турган жакшылык жок. (2)
  • 20. (Анын бардык жакшылыктары) эң жогорку Раббисинин ыраазычылыгы үчүн гана (жасалат)
  • 21. Жакында (Аллах аны чоң сыйлык менен сыйлайт. Ошондо ал дагы (Раббисинен) ыраазы болот.