Лехтман Михаил Наумович

Лехтман Михаил Наумович (1896, Украина, Виница шаары – 1985, Фрунзе) – медицина илимдеринин доктору (1944), профессор (1945). Киев медициналык институтун бүтүргөн (1920). Киевдеги дарыгерлердин билимин өркүндөтүү институтунда, Петропавлов медициналык институтунда, КММИде кафедра башчысы болуп иштеген. Акушерлик жана гинекология боюнча адис. 200дөн ашуун илимий эмгектин, анын ичинде 2 монография, 2 окуу китептин автору. Эмгектери: Шеечная беременность. Ф., 1954; Клиника морфологической особенности шеечной и шеечноперешеечной беременности. Ф., 1970.

Колдонулган адабияттар

• “Кыргызстан”. Улуттук энциклопедия: 5-том. Башкы ред. Асанов Ү. А., Б.: «Кыргыз энциклопедиясы» башкы редакциясы, 2014. ISBN 978—9967—14-111-7