Лобби

Лобби (англ. lobby – кулуарлар, жыйын залынын жанындагы өзүнчө бөлмө) – мамлекеттик органдардын (мыйзам, аткаруу, сот бийлигинин) экономиканын, региондордун, ишканалардын, социалдык топтордун айрым бөлүктөрүнө объективдүү муктаждык эмес, тийиштүү кызыкчылыктар аркылуу жардам иретиндеги иш-чаралары. Лоббистер бийликтин өкүлдөрү катары өзүнүн карамагындагыларга киреше алып келген өзгөчө мамлекеттик заказдарды, лицензияларды, кредиттерди жана башка ыңгайлуу экономикалык шарттарды тартуулайт. Лобби агрардык, өндүрүштүк, аскердик жана финансылык болуп бөлүнөт.

Колдонулган адабияттар

• “Кыргызстан”. Улуттук энциклопедия: 5-том. Башкы ред. Асанов Ү. А., Б.: «Кыргыз энциклопедиясы» башкы редакциясы, 2014. ISBN 978—9967—14-111-7