Лоис Лоури

Wikipedia дан
Jump to navigation Jump to search
Лоис Лоури (2014).

Лоис Лоури (англ. Lois Ann Hammersberg; туулгандагы аты Лоис Энн Хаммерсберг, 1937-жыл 20-март) — отуздан ашуун балдар адабиятын жараткан америкалык жазуучу. Ал 1990-жылдагы "Жылдыздарды сана" (англ. Number the Stars) жана 1994-жылдагы "Берүүчү" (англ. The Giver) чыгармалары үчүн эки "Нүбери" сыйлыгына татыган. Балдар жазуучусу катары кошкон салымы үчүн ал 2000-жылы эки жылда бир берилген Ханс Кристиан Андерсен атындагы сыйлыктын финалисти болуп, 2004-жылы АКШдан сыйлыкка кайрадан көрсөтүлгөн жана 2016-жылы финалист болгон. Бул балдар китептерин жаратуучулар үчүн жеткиликтүү болгон эң жогорку сыйлык болуп калган. Анын "Жашыл албатрос" (англ. Gooney Bird Greene) китеби 2002-жылы "Род-Айленд" балдар китеп сыйлыгын утуп алган. 2007-жылы өспүрүмдөгө жазган китептери менен кошкон салымы үчүн Америка китепкана бирикмеси тарабынан "Маргарет Эдвардс" сыйлыгы ыйгарылган. 2011-жылы ал "Мэй Хилл Эрбутнот" лекциясын окуган; анын лекциясы "ТАШТОО: Алтындын чыдамдуулугу" деп аталган. Ошондой эле ал 2014-жылы Браун университетинин адабият жаатындагы ардактуу доктор наамы менен сыйланган.

Жазуучу катары Лоури балдар чыгармаларында татаал темаларды козгогону менен белгилүү. Ал расизм, айыккыс оору, киши өлтүрүү, Холокост жана башка татаал темаларга токтолгон. Ошондой эле ал "Берүүчү" чыгармасында көтөрүлгөндөй ыйгарым укук сыяктуу талаш-тартыштуу маселелерди козгогон. Анын мындай маселелер боюнча жазышы ага мактоо да, сын-пикир да алып келген. Атап айтканда, анын "Берүүчү" чыгармасы, "Берүүчү" төрттүгүндөгү алгачкы роман, Америкадагы мектептерде ар түрдүү реакцияларга жол ачкан. Айрымдары китепти милдеттүү түрдө окуу программасына киргизишсе, кээ бири класс ичиндеги сабактарга китептин киргизилишине тыюу салган. "Берүүчү" тасмага ылайыкташтырылып 2014-жылы жарык көргөн.

Өмүр таржымалы[оңдоо | булагын оңдоо]

Чыгармалары[оңдоо | булагын оңдоо]

Шилтемелер[оңдоо | булагын оңдоо]